კომპანიის შესახებპროექტებიფინანსური ინფორმაცია
აუქციონებიტენდერებისოციალური პროგრამებიმედიაწესები და ინსტრუქციები 
 
გზაგამტარი - ჩაქვი-ქობულეთი კმ19 პკ8
აპრილი 21, 2017

ჩაქვი-ქობულეთის გადასარბენზე მე-19კმ პკ8-ში, რკინა-ბეტონის გზაგამტარი, აიგო 1964 წელს. იგი წარმოადგენდა 2X15,80 მ. სიგრძის რკინა-ბეტონის კოჭს. წლების განმავლობაში გზაგამტარის ქვეშ გამავალი საავტომობილო გზის შეკეთების დროს ასფალტის საფარის დაფარვის შედეგად ხდებოდა ავტოგზის სიმაღლის მომატება და ხიდქვეშა გაბარიტი 4,59 მ-დან შემცირდა 4,1 მ-მდე, რის გამოც გახშირდა ხიდქვეშ გამავალი ავტოტრანსპორტის და მათზე მოთავსებული ტვირთის რკინა-ბეტონის კოჭებზე შეჯახების ფაქტები, რამაც თავის მხრივ გამოიწვია კოჭების ქვედა წიბოებში მზიდი არმატურების გაწყვეტა და ბეტონში ბზარების გაჩენა.

 გზაგამტარზე შექმნილი მძიმე ტექნიკური მდგომარეობიდან გამომდინარე, 2006 წელს დაიწყო ახალი გზაგამტარის მშენებლობა და 2007 წლის 30 ოქტომბერს დასრულდა. ახალ გზაგამტარზე მალის ნაშენებად გამოყენებული იყო დროებითი კოჭები, რის გამოც მატარებელთა მოძრაობის დაწესებული 100/80/60 კმ/სთ სიჩქარე, გზაგამტარზე შეზღუდული იქნა 60/40/40 კმ/სთ-მდე. 2015 წლის ოქტომბრის თვეში ახალ გზაგამტარზე არსებული დროებითი მალის ნაშენები, შეიცვალა შპს ,,ელიტა ბურჯი“-ს მიერ (მის მიერ დამზადებული) მაღალი კლასისი მალის ნაშენებით და ხიდქვეშა გაბარიტი საბოლოოდ გაიზარდა 5,4მ-დე, ხოლო მატარებელთა მოძრაობის სიჩქარე დადგენილ 100/80/60 კმ/სთ-დე.

 ახალ გზაგამტარზე სამენებლო სამუშაოების დასრულების მიუხედავად არ მომხდარა ძველი, უფუნქციოთ დარჩენილი რკინა-ბეტონის გზაგამტარის დემონტაჟი, რის გამოც ავტოტრანსპორტისათვის პრობლემა ფაქტიურად დარჩა გადაუჭრელი და კვლავ ადგილი ჰქონდა ავტომანქანების რკინა-ბეტონის უფუნქციო გზაგამტარზე შეჯახების შემთხვევებს, რომლის დროსაც ხშირად წარმოიქმნებოდა ე. წ. ,,საცობები“, რაც იწვევდა, საპატრულო პოლიციის მხრიდან სამართლიან უკმაყოფილებას.

 ყოველივე ზემოაღნიშნულიდან გამომდინარე, სს ,,საქართველოს რკინიგზის“ დირექტორთა საბჭოს 2016 წლის 29 ნოემბრის 33/50 დადგენილების და სამეთვალყურეო საბჭოს 2016 წლის 16 დეკემბრის #24 სხდომის ოქმის საფუძველზე 2016 წლის 21 დეკემბერს შპს ,,ზიმო“-სთან გაფორმებული იქნა უფუნქციოთ დარჩენილი რკინა-ბეტონის გზაგამტარის დემონტაჟის ხელშეკრულება #16-369, რომლის შესაბამისად 2017 წლის 20 აპრილს შპს ,,ზიმო“-მ განახორციელა ძველი უფუნქციო რკინა-ბეტონის გზაგამტარის დემონტაჟი.

 

 

 


 
 
Copyright © 2017 Georgian Railway. All Rights Reserved.