რკინიგზის მოდერნიზაციის პროექტის ფარგლებში უკვე 12 475 მეტრი ახალი ლიანდაგი დაიგო
ნოემბერი 03, 2010

შპს ,,საქართველოს რკინიგზის” მოდერნიზაციის პროექტის ,,სწრაფი რკინიგზა - ბათუმიდან თბილსში 3 საათში” სალიანდაგო სამუშაოები კომპანიამ მიმდინარე წლის აგვისტოში დაიწყო. სამშენებლო სამუშაოების დაწყებიდან 12475 მეტრი ახალი ლიანდაგი დაიგო. გასულ კვირას ფილიალ ,,ინფრასტრუქტურის” სალიანდაგო დეპარტამენტმა რკინიგზის გადასარბენებზე მუხიანი - კოპიტნარი და გრაკალი - უფლისციხე 1500 მეტრი ლიანდაგი დააგო.

რკინიგზის მოდერნიზაციის პროექტის განსახორციელებლად სარემონტო-სამშენებლო სამუშაოები ინტენსიურად მიმდინარეობს. სულ წლის ბოლომდე დაგეგმილია 31125 მ ახალი ლიანდაგის დაგება.

რკინიგზის მოდერნიაზაციის პროექტის ,,სწრაფი რკინიგზა - ბათუმიდან თბილსში 3 საათში” საპროექტო-სამშენებლო სამუშაოები 2013 წლის 1 ივლისისათვის დასრულდება. პროექტის განხორციელების შედეგად ბათუმიდან თბილისამდე მატარებლით მგზავრობის ხანგრძლივობა მხოლოდ სამი საათი იქნება.

 
 
Copyright © 2018 Georgian Railway. All Rights Reserved.