საქართველოს რკინიგზამ 94 კმ საკონტაქტო ქსელის რეაბილიტაცია განახორციელა
ნოემბერი 08, 2010

შპს ,,საქართველოს რკინიგზის” ფილიალ ინფრასტრუქტურის ელ.მომარაგების დეპარტამენტმა მოდერნიზაციის პროექტი ,,სწრაფი რკინიგზა - ბათუმიდან თბილსში - 3 საათში” გათვალისწინებული ელექტრომომარგების ქსელის სარეაბილიტაციო სამუშაოები მიმდინარე წლის აგვისტოში დაიწყო. აღნიშნული დეპარტამენტის ყველა სამმართველოს ძალებით ინტენსიურად მიმდინარეობს საკონტაქტო ქსელის მოდერნიზაციის სამუშაოები.

სარეკონსტრუქციო სამუშაოები ჩატარდა თბილისი-ხაშურის, ზესტაფონი-სამტრედიისა და სამტრედია-ბათუმის სარკინიგზო მონაკვეთების როგორც კენტ, ასევე წყვილ მიმართულებებზე. საერთო ჯამში, მოდერნიზებული საკონტაქტო ქსელის საერთო სიგრძემ 94 კილომეტრს მიაღწია. საკონტაქტო ქსელის რეაბილიტაცია, ლიანდაგის რეაბილიტაციასთან პარალელურად, ხელს შეუწყობს მატარებლების მოძრაობის სიჩქარეების ზრდას.

,,ინფრასტრუქტურის” ფილიალის სალიანდაგო და ელ.მომარაგების დეპარტამენტები მოდერნიზაციის პროექტით გათვალისწინებულ სარემონტო-სამშენებლო სამუშაოებს ერთობლივად ახორციელებენ. ფილიალის მიერ ჩატარებული სამუშაოების შედეგად, მიმდინარე წლის ბოლომდე მატარებლების სიჩქარეების ზრდა კიდევ რამდენიმე სარკინიგზო გადასარბენზე არის დაგეგმილი.

 
 
Copyright © 2018 Georgian Railway. All Rights Reserved.